Rusiyalı və belaruslu idmançıların 2024-cü il Olimpiadasına buraxılmasını zəruri hesab edən Fransa prezidenti Emmanuel Makronun mövqeyi iyrəncdir.
Bu barədə Ukraynanın xarici işlər naziri Dmitri Kuleba öz “Twitter” hesabında yazıb.
“Fevraldan bəri Rusiya 184 ukraynalı idmançını qətlə yetirib. İndi də Bax (BOK prezidenti Tomas Bax – red.) Emmanuel Makrondan sitat gətirir. O, deyib ki, “idmanı siyasiləşdirmək lazım deyil”, Ukrayna, Rusiya və Belarus idmançılarına münasibət eyni olmalıdır. Müharibə cinayətlərinə bəraət qazandırmaq üçün idmandan istifadə etmək iyrəncdir”, – deyə nazir vurğulayıb.
Xatırladaq ki, Bax bundan əvvəl mətbuat konfransı zamanı Belarus və Rusiya idmançılarının 2024-cü il Olimpiadasına buraxılmasının vacibliyini bildirmiş, Makronun sözlərinə istinad etmişdi.
“Prezident Makron idmanı siyasiləşdirməməli olduğumuzu deyib və 2024-cü il Olimpiadası və Paralimpiya Oyunları ilə bağlı vurğulayıb ki, bütün ölkələrin, o cümlədən müharibə şəraitində olan ölkələrin nümayəndələri iştirak etməlidir”, – BOK rəhbəri bildirib.
Since February, Russia has killed 184 Ukrainian athletes. And now Mr. Bach is quoting Emmanuel Macron as allegedly saying “sports should not be politicized” and athletes from Ukraine, Russia and Belarus should be treated equally. Using sports to whitewash war crimes is sickening.
— Dmytro Kuleba (@DmytroKuleba) December 8, 2022
www.102info.az
