Koronavirusun “kraken” kimi tanınan və çox sürətlə yayılma qabiliyyətinə malik olan “Omicron XBB.1.5” subvariantı Gürcüstanda aşkar edilib.
Bu barədə Gürcüstanın ictimai səhiyyə eksperti, professor Georgi Pxakadze açıqlama verib.
O, mütəxəssislərə istinadən söyləyib ki, COVID-19-un bu variantı digər koronavirus növləri ilə müqayisədə 140% daha yoluxucudur.
“Əgər bir nəfər “kraken”ə yoluxmuş şəxs otağa daxil olarsa, o zaman otaqda olanların hamısı xəstələnəcək”, – deyə professor vurğulayıb.
Ekspert Gürcüstan xalqını diqqətli olmağa çağırıb, maska taxmağı tövsiyə edib.
Mənbə: Sputnik Gürcüstan
www.102info.az
