Türkiyə ABŞ-nin “F-16”larını almaqdan imtina edə və rus qırıcıları da daxil olmaqla onların dəyişdirilməsi variantlarını nəzərdən keçirə bilər.
Bu barədə Türkiyə Prezidenti yanında Təhlükəsizlik və Xarici Siyasət Şurasının üzvü Çağrı Erhan “RİA Novosti”yə məlumat verib.
Siyasətçi qeyd edib ki, Ankara Vaşinqtondan təyyarə istəməklə səhv edib. O qeyd edib ki, konqres müxtəlif bəhanələrlə bu “köhnəlmiş və rəqabət qabiliyyəti olmayan” qırıcıları Türkiyəyə verməkdən imtina edir.
“Türkiyənin proqramdan gözləntiləri var idi. İndi başqa variantlar var, məsələn, Pakistana satılan Çin təyyarələri, Rusiya təyyarələri, həmçinin “Eurofighter” qırıcısı”, – deyə o bildirib.
Yanvarın sonunda Ankara Vaşinqtonu qırıcı təyyarələrin tədarükü ilə bağlı öhdəlikləri pozmaqda ittiham edib. Türkiyə Prezidenti Rəcəb Tayyib Ərdoğan deyib ki, Türkiyə həmişə sözünün üstündə durur və eyni şeyi tərəfdaşlarından da gözləyir.
www.102info.az
