Sabiq iqtisadi inkişaf naziri Yakov Milatoviç Monteneqroda keçirilən prezident seçkilərində təxminən 60 faiz səs toplaraq qalib gəlib.
Bu barədə seçki bülletenlərinin 66%-ni emal etdikdən sonra Monitorinq Mərkəzi (CeMI) tərəfindən açıqlanan “exit-poll” nəticələrində qeyd olunub.
“Səslərin 66 faizini hesablayandan sonra cənab [Milo] Cukanoviç 39,8 faiz, cənab Milatoviç isə 60,2 faiz səs toplayıb”, – deyə CeMI nümayəndəsi bildirib.
Qeyd edək ki, hazırkı dövlət başçısı Milo Cukanoviç və “Avropa indi” hərəkatının nümayəndəsi, 2020-ci il dekabrın 4-dən 2022-ci il aprelin 28-dək iqtisadi inkişaf naziri vəzifəsində çalışan Y.Milatoviç prezidentlik uğrunda mübarizədə iştirak edirlər.
www.102info.az
