Rusiya Elmlər Akademiyasının Vahid Geofizika Xidmətinin Kamçatka filialının kamerası Bezimyannı vulkanının püskürməsini qeydə alıb.
Qurumun mətbuat xidməti “Telegram”da oyanmış vulkanın görüntülərini paylaşıb.
Dağdan qalxan qatı külün 3 min metr yüksəkliyə çatdığı bildirilib.
Həmçinin, vulkandan çıxan qaynar lava ətrafa yayılıb.
Xatırladaq ki, Kamçatkadakı Bezimyannı vulkanı yüksək aktivliyə malikdir. Belə ki, 2022-ci ilin oktyabrında o, 6 km-ə qədər yüksəkliyə kül püskürüb və bölgədə aviasiya təhlükəsinin ən yüksək səviyyəsi elan olunub.
Vulkanın hündürlüyü 2882 metrdir. Onun ən böyük püskürməsi (40 km-dən çox yüksəkliyə) 30 mart 1956-cı ildə qeydə alınıb. Həmin gün Rusiyada hər il Vulkanoloq Günü kimi qeyd olunur.
Mənbə: tvzvezda.ru
www.102info.az
