Astana-Almatı reysinin sərnişinlərindən birinin təyyarədə bomba olduğunu deməsi səbəbindən “Air Astana” aviaşirkəti uçuşu təxirə salıb.
Bu barədə Qazaxıstan aviaşirkətinin mətbuat xidməti məlumat yayıb.
“2023-cü il aprelin 16-da “KC996” Astana-Almatı reysi ilə uçan təyyarənin sərnişinləri və işçilər təxliyə ediliblər. Normal rejimdə təyyarəyə baxış keçirilib.
Partlayıcı qurğu ilə bağlı məlumat təsdiqini tapmayıb. Uçuşun ümumi gecikməsi 6 saat 29 dəqiqə çəkib.
Yalan məlumat verən sərnişin isə hüquq-mühafizə orqanlarına təhvil verilib, barəsində cinayət işi başladılıb.
www.102info.az
