Ukrayna Prezidenti Volodimir Zelenski bildirib ki, Ukraynanın NATO blokuna qəbul edilməsinin vaxtı çatıb. O hesab edir ki, NATO-nun baş katibi Yens Stoltenberqin Ukraynaya səfəri buna sübutdur.
Ukrayna lideri NATO-nun rəhbəri Yens Stoltenberqlə müharibə zamanı Kiyevdə keçirdiyi birgə mətbuat konfransında deyib ki, NATO-nun iyulda Vilnüsdə keçiriləcək sammiti “tarixi” ola bilər və o, iştirak etməyə dəvət olunub. O hesab edir ki, hazırda Ukraynanın alyansa qoşulmasına heç nə mane olmur.
Yens Stoltenberq müharibə başlayandan ilk dəfə Ukraynaya səfər edib.
Səfər zamanı o, Ukraynanın NATO-ya daxil olmasının vacibliyini bildirib.
Mənbə: Reuters
www.102info.az
