Həftəsonu Avropanın yaşıl meydanlarında bir sıra maraqlı futbol oyunları keçiriləcək.
Oxu.Az xəbər verir ki, XXXII turda İtaliya A Seriyasında çempion müəyyənləşə bilər. Lider “Napoli”nin ən yaxın izləyicisi “Latsio” sabah saat 17:00-da (Bütün saatlar Bakı vaxtı ilə göstərilib – red.) “İnter”in qonağı olacaq. Roma klubu Milanda qələbə qazana bilməsə, neapollular saat 17:00-da start götürəcək qarşılaşmada “Salernitana”nı məğlub etməklə vaxtından əvvəl çempion olacaqlar. Sona yeddi tur qalmış bu komandaları 17 xal ayırır.
A Seriyasında bu gün “Roma” “Milan”ı qəbul edəcək. Daha bir maraqla gözlənilən qarşılaşma sabah “Yuventus”la “Bolonya” arasında olacaq.
İspaniya La Liqasında “Real” (Madrid) və “Barselona” eyni gündə meydana çıxacaqlar. “Kral klubu” bu gün saat 20:30-da “Almeriya”nı qonaq edəcək. “Barselona” isə saat 23:00-da start götürəcək matçda “Betis”i sınağa çəkəcək. İkinci pillə uğrunda mübarizə aparan Madrid “Atletiko”su sabah “Valyadolid”in qonağı olacaq.
Fransa Liqa 1-də lider PSJ “Loryan”ın qonağı olacaq. Sabah keçiriləcək qarşılaşma saat 19:05-də start götürəcək.
Almaniya Bundesliqasında “Bavariya” “Borussiya”nın xal itkisindən yararlanmağa çalışacaq. Sabah saat 17:30-da “Herta”nı sınağa çəkəcək Tomas Tuxelin komandası qələbə qazanacağı təqdirdə liderliyi ələ keçirəcək.
Türkiyə Super Liqasında bu həftə İstanbul derbisi keçiriləcək. Sabah saat 20:00-da “Qalatasaray” və “Beşiktaş” ikincilərin meydanında münasibətlərinə aydınlıq gətirəcəklər. Bu gün isə “Fənərbağça” “Sivasspor”un qonağı olacaq. Azərbaycan millisinin üzvü Mahir Emrelinin formasını geyindiyi “Konyaspor” öz meydanında son çempion “Trabzonbspor”la qarşılaşacaq.
Həftəsonunun ən maraqlı oyunları
29 aprel
İtaliya A Seriyası
20:00. “Roma” – “Milan”
İspaniya La Liqası
20:30. “Real” (Madrid) – “Almeriya”
23:00. “Barselona” – “Betis”
Türkiyə Super Liqası
17:00. “Konyaspor” – “Trabzonspor”
20:00. “Sivasspor” – “Fənərbağça”
30 aprel
İngiltərə Premyer Liqası
17:00. “Fulhem” – “Mançester Siti”
17:00. “Mançester Yunayted” – “Aston Villa”
19:30. “Liverpul” – “Tottenhem”
Fransa Liqa 1
19:05. PSJ – “Loryan”
Almaniya Bundesliqası
17:30. “Bavariya” – “Herta”
İtaliya A Seriyası
14:30. “İnter” – “Latsio”
17:00. “Napoli” – “Salernitana”
22:45. “Bolonya” – “Yuventus”
İspaniya La Liqası
23:00. “Valyadolid” – “Atletiko”
Türkiyə Super Liqası
20:00. “Beşiktaş” – “Qalatasaray”
Faiq Tahirov
www.102info.az
