Ukraynada müharibə davam edir.
Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.
O bildirib ki, ölkənin mərkəzi, cənub və şərq vilayətlərinə yenidən hava hücumu olub.
Qeyd edilib ki, xüsusilə Xerson və Donetskdə qarşılıqlı hücumlar daha da artıb.
“Ukrayna Silahlı Qüvvələri Xerson şəhərində Dnepr çayının sol sahilini zəbt edən Rusiya Ordusuna qarşı növbəti əməliyyat keçiriblər. Nəticədə işğal altında olan qəsəbələrdə bir neçə hərbi texnika zərərsizləşdirilib”, – deyə jurnalist əlavə edib.
M.Aslanov Baxmut və Avdeyevka ətrafında həlak olan azərbaycanlıların sayına da aydınlıq gətirib:
“Qış ərzində Baxmutda 12 azərbaycanlı həlak olub. Onlardan ikisi – Elvin Novruzov və İlkin Hacıyev Ukrayna Silahlı Qüvvələrinin hərbçisi olublar”.
Ətraflı videonu təqdim edirik:
www.102info.az
