Növbəti mövsüm Premyer Liqada çıxış edəcək “Araz Naxçıvan”ın planları bəlli olmaq üzrədir.
Oxu.Az xəbər verir ki, I Divizionun çempionu olan əsas komanda Naxçıvanda məskunlaşacaq və ev oyunlarını yenidən qurulacaq şəhər stadionunda keçirəcək.
Ancaq klubun bir ayağı da Xırdalanda olacaq. Tələbə görə, elita təmsilçilərinin əvəzedici və aşağı yaş liqalarında çıxış edəcək komandaları olmalıdır. Klubun əvəzediciləri və akademiya komandaları Xırdalanda məskunlaşacaqlar. Onların Abşeron Olimpiya İdman Kompleksinə yerləşdirilməsi planlaşdırılır.
Bu qərarın arxasında sözügedən komandaların hər dəfə Naxçıvana gediş-gəlişləri ilə bağlı yaranacaq xərclərindən xilas olmaq dayanır.
Faiq Tahirov
www.102info.az
