“Qəbələ” klubu futbolçusu Məqsəd İsayevlə yollarını ayırıb.
Əyalət təmsilçisinin mətbuat xidmətinin yaydığı məlumata görə, 2021-ci ilin yayından komandanın formasını geyinən 29 yaşlı müdafiəçinin müqavilə müddəti başa çatıb.
Klub onunla yeni müqavilə bağlamayıb.
Qeyd edək ki, Məqsəd İsayev iki mövsüm ərzində 73 matçda 4 qol vurub. O, Premyer Liqada 61 (3 qol), kubokda 10 (1 qol), Konfrans Liqasında 2 matçda iştirak edib. Müdafiəçi komandanın heyətində Azərbaycan Kubokunun qalibi olub.
Oxu.Az-ın əldə etdiyi məlumata görə, M.İsayev karyerasını “Zirə”də davam etdirəcək. Paytaxt klubu sağ cinah müdafiəçisi ilə iki illik müqaviləni razılaşdırıb.
Faiq Tahirov
www.102info.az
