Türk Hava Yollarının İstanbul-Nyu-York reysi ilə uçan təyyarədə 11 yaşlı əlil uşaq ölüb.
Məlumata görə, “Airbus 330” tipli təyyarə İstanbul Hava Limanından 287 sərnişinlə havaya qalxıb.
Havaya qalxdıqdan az sonra sərnişinlərdən biri olan ABŞ ailəsinin 11 yaşlı əlil uşağının halı pisləşib. Kabin heyəti sərnişinə ilkin tibbi yardım göstərərkən, sərnişinlər arasında olan həkim vəziyyəti getdikcə pisləşən amerikalı oğlana ürək masajı edib.
Təyyarənin ekipajı Budapeştə təcili eniş etmək qərarına gəlib. Lakin edilən bütün müdaxilələrə baxmayaraq sərnişini xilas etmək mümkün olmayıb.
Mənbə: Haber Global
www.102info.az
