“Bavariya” heyətinə yeni müdafiəçi cəlb edib.
İnsayder Fabritsio Romanonun yaydığı məlumata görə, Kim Min-Ce İtaliyanın “Napoli” klubundan son Almaniya çempionuna transfer olunub. Cənubi koreyalı mərkəz müdafiəçi tibbi müayinədən uğurla keçib.
“Bavariya” 26 yaşlı futbolçu üçün qarşı tərəfə 50 milyon avro ödəyəcək. Bu, müqavilədə nəzərdə tutulan sərbəstqalma məbləğidir. Ödəniş edildikdən sonra tərəflər sözləşmə imzalayacaqlar.
Kim Min-Ce keçən ilin yayında Türkiyənin “Fənərbağça” klubundan “Napoli”yə keçib. Ötən mövsüm Neapol təmsilçisinin heyətində bütün turnirlərdə 45 oyun keçirən stopper iki qol və iki məhsuldar ötürmə ilə yadda qalıb. O, komanda ilə İtaliya çempionu olub.
www.102info.az
