Tayvanın şimal-şərqində hərbi bazada baş verən partlayış nəticəsində ən azı doqquz nəfər yaralanıb.
Məlumata görə, yaralılar xəstəxanaya yerləşdiriliblər. Zərərçəkənlərdən ikisinin vəziyyəti ağır qiymətləndirilir.
Qeyd edək ki, insident yerli vaxtla saat 15:00-da (Bakı vaxtı ilə saat 11:00-da – red.) Cilonq şəhəri yaxınlığındakı Syanfenq hərbi bazasında baş verib.
Hərbi bazanın arsenalında döyüş sursatı yoxlanılarkən 120 millimetrlik minaatan mərmisi partlayıb. Partlayışın səbəblərini müəyyən etmək üçün xüsusi komissiya yaradılıb.
Mənbə: TASS
www.102info.az
