Litva hakimiyyəti Avropa İttifaqına Ukraynadan taxıl ixrac etmək üçün alternativ marşrut təklif edib.
Litva “Taxıl sazişi”nin ləğvindən sonra Baltikyanı respublikaların limanlarından taxıl ixracı üçün istifadə olunmasını təklif edib.
Bu müraciətlə Litvanın üç naziri çıxış edib.
Rəsmilərin fikrincə, Baltik limanları Ukrayna məhsullarının, o cümlədən taxılın tranziti üçün etibarlı alternativ ola bilər. Nazirlər hesab edirlər ki, bu yolla ildə 25 milyon ton taxıl daşınması mümkündür.
Bundan əlavə, Litva Avropa İttifaqından Ukrayna və Polşa sərhədində bürokratik maneələrin azaldılmasını xahiş edib.
Mənbə: AFP
www.102info.az
