“Qarabağ”ın Polşanın “Rakuv” klubuna qarşı keçirəcəyi Çempionlar Liqasının II təsnifat mərhələsinin cavab oyununa satılan bilet sayı məlum olub.
“Atlılar”ın mətbuat xidmətinin yaydığı məlumata görə, 15 min 500 bilet satılıb.
Avqustun 2-də saat 20:00-da Bakı Olimpiya Stadionunda keçiriləcək matçın biletlərinin qiyməti 5, 20, 30 və 75 manat təşkil edir.
Xatırladaq ki, Polşadakı ilk oyunda “Qarabağ” 2:3 hesabı ilə məğlub olub.
www.102info.az
