Fransanın “Renn” klubunun futbolçusu Jeremi Doku karyerasını İngiltərədə davam etdirə bilər.
Məşhur insayder Fabritsio Romanonun yaydığı məlumata görə, “Mançester Siti” belçikalı vingerin xidmətində maraqlıdır. “Şəhərlilər” 21 yaşlı futbolçu üçün 55-60 milyon avro ödəməyə hazırdırlar. Doku “Mançester Siti”yə keçidə isti yanaşır.
Digər Premyer Liqa klubu “Vest Hem” də oyunçunu heyətinə qatmaq istəyir.
2020-ci ildən “Renn”də çıxış edən Belçika millisinin üzvü ötən mövsüm 35 oyunda yeddi qol və dörd məhsuldar ötürmə ilə yadda qalıb. O, bu mövsüm bir matçda bir qol vurub.
www.102info.az
