İtaliyanın “Roma” klubu heyətini yeni futbolçu ilə gücləndirməyə hazırlaşır.
Məşhur insayder Fabritsio Romanonun yaydığı məlumata görə, “canavarlar” Almaniya “Bayer”inin (Leverkuzen) hücumçusu Sərdar Azmunla anlaşıblar.
28 yaşlı forvard icarə əsasında paytaxt təmsilçisinin formasını geyinəcək. “Roma”nın futbolçunu 12 milyon avro qarşılığında birdəfəlik transfer etmək hüququ var.
Keçən ilin qışından “Bayer”də oynayan hücumçu daha əvvəl Rusiyada “Zenit”, “Rubin”, “Rostov” və İranda “Sepahan”ın formasını geyinib. Əslən türkmən olan futbolçu İran yığmasında 69 matçda 42 qol vurub.
www.102info.az
