“Qarabağ”ın UEFA Avropa Liqasının pley-off mərhələsində rəqibi olan Sloveniyanın “Olimpiya” klubu növbəti futbolçu transferini açıqlayıb.
Lyublyana təmsilçisinin rəsmi “Facebook” səhifəsində paylaşdığı məlumatda bildirilib ki, ölkə çempionu yerli “Alyuminiy”dən Marko Bresti heyətinə qatıb.
Onun müqaviləsinin müddəti 2026-cı ilədək nəzərdə tutulub. “Olimpiya” ötən gün Redi Kasanı transfer edib.
Qeyd edək ki, “Qarabağ” səfərdə gerçəkləşən ilk matçda rəqibini iki cavabsız qolla üstələyib. Cavab görüşü bu gün saat 20:00-da başlayacaq.
www.102info.az
