“Ermənistan Kollektiv Təhlükəsizlik Müqaviləsi Təşkilatında müttəfiqdir. Moskva hesab edir ki, müttəfiqlik ruhuna uyğun olaraq KTMT-dəki müttəfiqlərlə təlimlər praktikasına riayət etmək lazımdır”.
Bunu Rusiya xarici işlər nazirinin müavini Sergey Ryabkov Ermənistan ərazisində keçiriləcək Ermənistan və ABŞ-nin birgə hərbi təlimlərini şərh edərkən deyib.
O, Rusiyada bu məsələyə diqqət yetirildiyini və ABŞ ilə təlimlərin Moskvada narahatlıqla qarşılandığını vurğulayıb.
Xatırladaq ki, bundan əvvəl Ermənistan Müdafiə Nazirliyi sentyabrın 11-dən 20-dək beynəlxalq sülhməramlı missiyalarda iştiraka hazırlıq çərçivəsində Ermənistan və ABŞ-nin “Eagle partner 2023” adlı birgə hərbi təlimlər keçirəcəyini xəbər verib.
Mənbə: TASS
www.102info.az
