Maldiv adalarının hazırkı prezidenti İbrahim Məhəmməd Solih rəqibi – Məhəmməd Muizzunun seçkilərin ikinci turunda qələbəsini təsdiq edib.
“Prezident seçkilərinin qalibi Məhəmməd Muizzunu təbrik edirəm”, – o sosial şəbəkədə yazıb.
Xatırladaq ki, şənbə günü Maldiv adalarında səsvermənin ikinci turu keçirilib. İlkin nəticələrə görə, Muizzu 53,8 %, Solih 46,2 % səs toplayıb.
Ümumilikdə seçkilərdə 241 mindən çox seçici səs verib, fəallıq 85%-i ötüb.
Qeyd edək ki, sentyabrın 10-da Maldiv adalarındandakı prezident seçkilərinin birinci turunda əsas namizədlərdən heç biri 50%-dən çox səs toplaya bilməyib.
www.102info.az
