Tehrandan (İran) çıxan təyyarənin göyərtəsində bomba təhlükəsi yarandığı üçün Hamburq Beynəlxalq Hava Limanının (Almaniya) işi tamamilə dayandırılıb.
Məlumata görə, təyyarə aeroporta eniş edib.
Hazırda hüquq-mühafizə orqanlarının əməkdaşları hava gəmisində axtarış aparırlar.
Təyyarədə olan 198 sərnişin və 16 ekipaj üzvü təyyarəni tərk edib. Hazırda onların baqajı yoxlanılır.
Hava limanı Bakı vaxtı ilə saat 14:40-dan etibarən reyslər göndərmir və qəbul etmir.
O da vurğulanır ki, federal polis elektron poçt vasitəsilə daxil olan xəbərdarlığı ciddi qiymətləndirir.
Mənbə: NDR
www.102info.az
