Tehran Fələstin-İsrail münaqişəsinin gərginləşməsi ilə əlaqədar İrana qarşı istənilən hərəkətə cavab verəcək.
Bu açıqlama ilə İran Xarici İşlər Nazirliyinin nümayəndəsi Naser Kənani Çafi çıxış edib. O, İranın Fələstinin HƏMAS hərəkatını İsrailə hücumunda dəstəkləməsi ilə bağlı Tehrana qarşı təhdidləri şərh edib.
“İranı təhdid edən hər kəs bilməlidir ki, İrana qarşı istənilən axmaq hərəkətə dağıdıcı cavab veriləcək”, – deyə diplomat vurğulayıb.
Xatırladaq ki, İran HƏMAS-ın İsrailə hücumunda iştirakını inkar edib və bildirib ki, Fələstin rəhbərliyi qərarları müstəqil qəbul edir. Bununla belə onlar fələstinlilərin hücumunu qanuni müdafiə hesab etdiklərini və qeyd-şərtsiz Fələstini dəstəklədiklərini vurğulayıblar.
Bir gün əvvəl “The Wall Street Journal” HƏMAS və Livan “Hizbullah”ının yüksəkrütbəli nümayəndələrinə istinadən yazıb ki, İran kəşfiyyat xidmətləri İsrailə hücum təşkil etməkdə HƏMAS yaraqlılarına kömək edib. İddiaya görə, İran İslam İnqilabı Keşikçiləri Korpusunun (SEPAH) zabitləri hücum planının hazırlanmasında iştirak ediblər.
Mənbə: TASS
www.102info.az
