ABŞ İsrailə yenə hərbi yardım göndərib.
Bu barədə İsrail müdafiə naziri Yoav Qalant amerikalı həmkarı Lloyd Ostin ilə keçirdiyi mətbuat konfransında bildirib.
Onun sözlərinə görə, yük təyyarəsi oktyabrın 13-də ölkəyə enəcək.
“ABŞ və İsrail arasında müdafiə sahəsində əməkdaşlıq, o cümlədən Pentaqon, Ağ Ev və Konqresin İsrailə dəstəyi bizim imkanlarımızı artırır, bizə fəaliyyət azadlığı verir. Bu gün biz İsrail Müdafiə Qüvvələri üçün lazım olan silahlarla dolu ikinci təyyarəni qəbul edəcəyik”, – deyə İsrail Müdafiə Nazirliyinin rəhbəri qeyd edib.
Xatırladaq ki, ABŞ silahlarının ilk partiyası oktyabrın 11-də İsrailə təhvil verilib. Müasir döyüş sursatları ilə dolu olan təyyarə Nabatim bazasına eniş edib. İsrail hakimiyyəti amerikalı həmkarlarına göstərdikləri dəstəyə görə minnətdarlığını bildirib.
Mənbə: News.ru
