Misir Fələstin anklavının Rəfah şəhərində Qəzza zolağından olan qaçqınlara kömək etmək üçün düşərgələr qurmağı təklif edib.
Bu barədə hökumətdəki mənbədən xəbər verilib.
Bildirilir ki, Misir rəsmiləri ABŞ nümayəndələri ilə danışıqlar zamanı Misirlə sərhəddən 3 km məsafədə yerləşən Fələstinin Rəfah şəhərində düşərgələrin yaradılması təklifi irəli sürüblər. İdeyaya görə, Qahirə düşərgələrə nəzarət edə və Qəzza zolağının şimal bölgələrindən gələn qaçqınlara təcili yardım göstərə bilər.
O da vurğulanır ki, düşərgənin funksiyalarından biri xəsarət alan insanların seçilməsi olmalıdır – vəziyyəti ağır və ya təhlükəli xroniki xəstəlikləri olanlar, tibbi yardım üçün Misirdə açılan səhra düşərgələrinə təxliyə ediləcək.
Mənbə: Al-Araby
www.102info.az
