Ermənistanın baş prokurorluğu ölkənin keçmiş müdafiə naziri Vigen Sarkisyan və onun həyat yoldaşı Lusine Qalayyanla bağlı araşdırmaya başlayıb.
Bu barədə erməni KİV-də məlumat yayılıb.
Qeyd olunub ki, Ermənistan baş prokurorluğunun qanunsuz yolla əldə edilmiş əmlakın müsadirəsi üzrə departamentində eks-nazir və həyat yoldaşının qanunsuz yolla əldə edilmiş əmlakı ilə bağlı araşdırma gedir.
Vigen Sarkisyan və həyat yoldaşı İrəvanın ən bahalı ərazisində – Şimal prospektindəki binada fərqli və qonşu mənzillərdə qeydiyyatdadırlar. Bununla belə, onlar orada deyil, ABŞ-nin Massaçusets ştatının Belmont şəhərində 2022-ci ilin mayında 2 milyon 50 min dollara aldıqları fərdi evdə yaşayırlar.
www.102info.az
