“Fransa öz suverenliyini qorumaq üçün Avropa İttifaqından (Aİ) çıxmalıdır”.
Bunu Fransanın “Patriotlar” Partiyasının lideri Florian Filippo öz “X” sosial şəbəkə hesabında yazıb.
“Avropa Parlamenti Aİ-ni bir dövlətə çevirməyə çalışır ki, bu da Fransa və digər ölkələrin suverenliyinin aradan qaldırılmasına gətirib çıxaracaq. Aİ-dən çıxmaq Fransaya bu korrupsioner və tiran quruluşdan qurtulmağa imkan verəcək”, – deyə o, qeyd edib.
Onun sözlərinə görə, bu, ümid doğuran yeganə qurtuluş yoludur.
Filippo həmçinin qeyd edib ki, Belçikalı deputat Qi Verhofstadtın Avropa Parlamenti tərəfindən təsdiq edilmiş hesabatında Avropa Komissiyasının (AK) Aİ hökumətinə çevrilməsi və milli dövlətlər üçün veto hüququnun tam ləğvi nəzərdə tutulur.
Bundan əlavə, siyasətçi Aİ-nin operativ komandanlığı altında çevik reaksiya qüvvələrinin daxil olacağı hərbi struktur yaratmaq niyyətini pisləyib. Onun fikrincə, layihə vəziyyəti yalnız mənfiyə doğru dəyişə bilər.
Honte au parlement européen qui a voté hier le rapport #Verhofstadt qui vise à transformer l’UE en un État et effacer la France et les nations !
➡️ – Commission européenne transformée en gouvernement de l’UE
– UE « à 35 ou 37 membres »
– Suppression du droit de véto des pays… pic.twitter.com/HvrycfmHQ2— Florian Philippot (@f_philippot) November 23, 2023
Mənbə: lenta.ru
www.102info.az
