Bazar ertəsi husilər Qırmızı dənizdə ticarət gəmilərinə iki hücum həyata keçiriblər.
Bu barədə ABŞ Mərkəzi Komandanlığı (CENTCOM) məlumat yayıb.
“Dekabrın 18-də səhər saat 9:00 radələrində husi yaraqlıları Qırmızı dənizin cənubunda ticarət gəmilərinə iki hücum həyata keçirib”, – deyə CENTCOM sosial şəbəkələrdə məlumat yayıb.
“Swan Atlantic” kimyəvi maddələr daşıyan tankerin Yəməndə husilərin nəzarətində olan ərazilərdən atılan biristiqamətli pilotsuz uçuş aparatı və gəmi əleyhinə ballistik raketlə hücuma məruz qaldığı vurğulanıb.
Təxminən eyni vaxtda “CLARA” yük gəmisi onların yerləşdiyi yerin yaxınlığında suda partlayış olduğunu bildirib.
Hər iki hadisə zamanı xəsarət alanlar barədə məlumat verilməyib.
Mənbə: interfax.az
www.102info.az
