ABŞ-nin “Spirit Airlines” aviaşirkəti səhvən altı yaşlı sərnişini başqa şəhərə göndərib.
Məlumata görə, altı yaşlı uşaq Fort-Mayers şəhərinə nənəsinin yanına uçmalı imiş. Şirkətdən onun üçün azyaşlı olduğuna görə müşayiətçi də sifariş olunub. Aeroportda uşağı həmin müşayiətçiyə təhvil veriblər.
Fort-Mayersdə isə nəvəsini qarşılamağa gələn nənəyə uşağın təyyarədə olmadığı bildirilib. Daha sonra məlum olub ki, aviaşirkətin əməkdaşının səhvi ucbatından uşaq başqa təyyarəyə mindirilib.
Qeyd edək ki, uşaq Fort-Mayers əvəzinə Orlando şəhərinə göndərilib. Nənə nəvəsini oradan götürməli olub.
Mənbə: gazeta.ru
www.102info.az
