İran Prezidenti İbrahim Rəisinin yanvarın 4-də Türkiyəyə səfəri gözlənilir
Məlumata görə, heç bir dəyişiklik olmasa, səfər təyin olunmuş tarixdə baş tutacaq.
Danışıqların əsas mövzularından birinin terrorizmlə mübarizə olacağı gözlənilir. Bu məsələ son günlər Türkiyədə Ankaranın terrorçu kimi tanıdığı Kürdüstan Fəhlə Partiyasının silahlılarının hücumları nəticəsində 12 əsgərin ölümü ilə bağlı qızğın müzakirələrə səbəb olub.
Qeyd edək ki, noyabrın 13-də Türkiyə Prezidenti Rəcəb Tayyib Ərdoğan Rəisinin noyabrın 28-də səfərinin, eləcə də Yüksəksəviyyəli Əməkdaşlıq Şurasının iclasının gözlənildiyini açıqlayıb. Lakin Rəisi həmin vaxt Ankaraya gəlməyib. İranın xarici işlər naziri Hüseyn Əmir-Abdullahianın izah etdiyi kimi, səfər BMT Təhlükəsizlik Şurasının Qəzza zolağındakı vəziyyətlə bağlı iclası ilə əlaqədar təxirə salınıb.
Mənbə: Huriyyet
www.102info.az
