Almaniya Bundesliqasının XVII turunun “Bavariya” və “Hoffenhaym”ın qarşılaşdığı matç başa çatıb.
Komandalar Münhendəki (Almaniya) “Allianz Arena”da qarşılaşıblar. Matçı Benjamin Brandın rəhbərlik etdiyi hakimlər briqadası idarə edib. “Bavariya” 3:0 hesabı ilə qalib gəlib.
“Bavariya”nın yarımmüdafiəçisi Camal Musiala 18-ci dəqiqədə fərqlənib. Ona Leroy Zane kömək edib. 70-ci dəqiqədə Camal Musiala dubla imza atıb. Yenə də Leroy Zane məhsuldar ötürmə edib. 74-cü dəqiqədə yarımmüdafiəçi Qrişa Premelin meydandan qovulmasından sonra qonaqlar azlıqda qalıb. 90+1-ci dəqiqədə “Bavariya”nın üçüncü qolunu hücumçu Harri Keyn Leon Qoretskinin ötürməsindən sonra vurub.
Xatırladaq ki, “Bavariya” 2023/2024 mövsümündə Bundesliqa turnir cədvəlində ikinci yerdədir. Komanda 17 oyunda 41 xal toplayıb. “Hoffenhaym” 24 xalla 7-ci yerdədir. Almaniya çempionatının turnir cədvəlinə Bayer (42) başçılıq edir.
Mənbə: championat.com
www.102info.az
