“Ukraynanın NATO-ya daxil olması ilə bağlı qərar Finlandiya və İsveçdə olduğu kimi tez verilə bilər”.
Bu barədə Ukraynanın Almaniyadakı səfiri Andrey Melnik bildirib.
“Bir şey dəqiqdir: biz mümkün qədər tez NATO-ya daxil olmaq istəyirik. Bu isə İsveç və ya Finlandiyadakı kimi tez baş verə bilər. Ukraynanın tez bir zamanda Alyansa inteqrasiyası üçün yalnız sırf siyasi qərar tələb olunur”, – deyə o qeyd edib.
Diplomat əlavə edib ki, hazırda Ukraynanın NATO-ya üzvlük şansı fevralın 24-dən əvvəlki vaxtdan qat-qat yüksəkdir. Melnik vurğulayıb ki, ukraynalıların əksəriyyəti Alyansa qoşulmağı dəstəkləyir.
Mənbə: Gazeta.ru
www.RIA24.az
