“Ethereum” kriptovalyutasının yaradıcısı Vitalik Buterin artıq milyarder olmadığını açıqlayıb.
Bu barədə o, “Twitter” hesabında yazıb.
“Yeri gəlmişkən, mən artıq milyarder deyiləm”, – deyə o, sahibkar İlon Mask və “Amazon”un qurucusu Ceff Bezosun “Twitter”dəki fəaliyyətinə dair paylaşımda qeyd edib.
(btw btw I’m not a billionaire anymore)
— vitalik.eth (@VitalikButerin) May 20, 2022
“Ethereum”un yaradıcısı şərhinə heç bir əlavə izahat verməyib.
Ötən ilin sonunda Buterinin şəxsi sərvəti təxminən 1,5 milyard dollar qiymətləndirilirdi. 2021-ci ilin noyabr ayından etibarən blokçeynlə əlaqəli “Ethereum” tokeninin qiyməti 55% ucuzlaşıb.
Qeyd edək ki, hazırda 28 yaşı olan V.Buterin Kolomnada doğulub, daha sonra ailəsi ilə birlikdə Kanadaya köçüb. 2021-ci ilin may ayının əvvəlində “Forbes” jurnalı onu dünyanın ən gənc kriptovalyuta milyarderi adlandırıb, amma həmin il mayın 19-da kriptovalyuta bazarının çökməsi səbəbindən o, bu statusunu itirdi.
2021-ci ildə Buterin “30 under 30” kateqoriyasında “Forbes” virtual şöhrət salonuna daxil olub.
Mənbə: TASS
www.RIA24.az
