Severodonetskdə son vəziyyət: Rusiya ordusu şəhəri tamamilə məhv etmək istəyir – FOTO

Dünya

“Severodonetsk davam gətirir, lakin Rusiya Ordusu qarşılarına çıxan hər şeyi məhv edir”.

Bu barədə Luqansk vilayətinin hərbi administrasiyasının sədri Serqey Qayday məlumat verib.

“Onlar səkkiz ildir ki, Luqanskda heç nə tikmirlər, Popasna və Rubijnedə suyu və ya işığı bərpa etməyə belə cəhd etmirlər, sadəcə onu məhv edirlər. “Rusiya sülhü” səhradır. Düşmən bu məqsədinə çatmağa çalışır. “Buz sarayı” (Severodonetskin simvollarından biri – red.) və ya “Azot”da ammonyak istehsalı sexi kimə mane olurdu? Minlərlə insanın iş ümidini öldürdülər”, – deyə o, bildirib.

O, həmçinin qeyd edib ki, Severodonetskdə döyüşlər davam edir.

“Rusiya ordusu Nırkove və Nikolayevka istiqamətində hücum əməliyyatları keçirməyə cəhd edib. Ukrayna əsgərləri onları atəşə tutub – işğalçılar itkilərlə geri çəkilib”, – deyə Qayday bildirib.

Luqansk rəhbərinin sözlərinə görə, düşmən ordusunun hücumu zamanı bir sıra yaşayış binaları və fərdi evlər tam və ya qismən dağılıb. Son 24 saat ərzində Rusiya Ordusunun yeddi hücumu dəf edilib.

Mənbə: UNİAN

www.RIA24.az

Spread the love

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir