Tayvan silahlı qüvvələri çərşənbə axşamı adanın cənubundakı Pinqtunq ərazisində artilleriya təliminə başlayıb.
Bu barədə Tayvanın Səkkizinci Ordu Korpusunun nümayəndəsi məlumat verib.
Qoşunların təliminə 155 mm-lik özüyeriyən haubitsalardan və 120 mm-lik minaatanlardan atəş açmaq daxildir. Onların məqsədi şərti düşmənin işğalına qarşı müdafiəni simulyasiya edərək artilleriyanın döyüş effektivliyini yoxlamaqdır.
Bu, Çin Xalq Azadlıq Ordusunun avqustun 4-də Tayvan ətrafında başlatdığı genişmiqyaslı manevrlərə cavabdır. Eyni zamanda, Tayvan mətbuatının məlumatına görə, artilleriya təlimləri hələ həmin hadisələrdən əvvəl planlaşdırılıb.
Bundan əlavə, sentyabrın 5-də Tayvan ordusu snayperlərin, xüsusi təyinatlıların, zirehli texnika və minaatanlarının, hücum helikopterlərinin iştirakı ilə Pinqtunqda genişmiqyaslı təlim keçirmək niyyətindədir.
Mənbə: TASS
www.102info.az
