Rusiya Prezidenti Vladimir Putinin bazar ertəsi verdiyi fərmanla ABŞ Milli Təhlükəsizlik Agentliyinin keçmiş əməkdaşı Edvard Snoudenə Rusiya vətəndaşlığı verilib.
2013-cü ildə Snouden Amerika və Britaniya kəşfiyyat orqanlarının elektron müşahidə üsulları, habelə onların öz vətəndaşlarının şəxsi məlumatlarını bir-birinə ötürdükləri barədə ictimaiyyətə açıqlama verib.
O, həmçinin iddia edib ki, bu ölkələrin kəşfiyyat xidmətləri xarici dövlətlərin liderlərinin danışıqlarının qeyri-qanuni dinlənməsi ilə məşğuldur.
Snouden ABŞ hakimiyyətinin təqiblərindən qaçaraq, Rusiya da daxil olmaqla, bir sıra ölkələrin hakimiyyət orqanlarına sığınacaq üçün müraciətlər göndərib. 2014-cü ildə o, Rusiya Federasiyasında ilkin yaşayış icazəsi, daha sonra isə Rusiya ərazisində qeyri-müəyyən müddətə qalmaq hüququ alıb.
Mənbə: TASS
www.102info.az
