Rusiyalı hərbçilər Melitopolu tərk etmək istəyənlərdən pul tələb edirlər

“Bu gün müvəqqəti işğal olunmuş Melitopoldan çıxmaq imkanı var”.

Bu barədə informasiya telemarafonunun efirində Melitopol meri İvan Fyodorov məlumat verib.

“Mən indicə Melitopoldan Zaporojyeyə gedib çata bilmiş bir adamla söhbət etdim. Bu, haradasa bir sutkadan çox vaxt alır. Bu gün də belə bir imkan var. Ancaq körpü dağıldığından yağış yağanda dolayı torpaq yolla getmək imkanı məhdudlaşır. Ümumilikdə isə çatmaq mümkündür”, – deyə o qeyd edib.

Fyodorov vurğulayıb ki, nəzarət-buraxılış məntəqələrində işğalçılar mülki avtomobilin keçməsi üçün 300-3 000 qriven tələb edirlər.

UNİAN-ın daha əvvəl bildirdiyi kimi, işğalçılar Melitopoldan kütləvi şəkildə albalı və günəbaxan toxumu ixrac edirlər. Onlar iki əsas müəssisənin – “Melitopol albalısı” və alça yetişdirən dövlət pilot müəssisəsinin üzərinə öz “idarəetmələrini” tətbiq ediblər. Məhsulun 100 faizini götürürlər.

İşğalçılar Melitopoldan Krıma kənd təsərrüfatı məhsullarını təkcə avtomobillərlə deyil, həm də vaqonlarla aparırlar.

Mənbə: UNİAN

www.RIA24.az

Bir cavab yazın

Sizin e-poçt ünvanınız dərc edilməyəcəkdir.