Tibbi arayışla Bakıya gəlmək mümkündür – RƏSMİ

“Rayon ərazisində xüsusi müalicəyə ehtiyacı olan şəxslər arayışla Bakıya gələ bilərlər”.
Bunu Nazirlər Kabineti yanında operativ qərargahın keçirdiyi mətbuat konfransında Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev deyib.
Onun sözlərinə görə, həmin şəxslərə tibb müəssisəsinə gəlmək üçün şərait yaradılır: 
“Həkimə müraciətlə bağlı kifayət qədər şərait yaradılıb. Lakin bu məqamdan sui-istifadə halları da az deyil. Son günlər 200-dən artıq şəxs tibbi arayışla karantin postlarını keçib. Onların böyük əksəriyyəti xüsusilə Siyəzəndən tibbi arayışla Bakıya gələnlərdir”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir