Azərbaycanda 2020-ci ilin noyabr ayından indiyədək mina partlaması nəticəsində ölən şəxslərin sayı açıqlanıb.
“Report”un xəbərinə görə, Azərbaycan Minatəmizləmə Agentliyinin sədr müavini Samir Poladov bildirib ki, ötən dövr ərzində 32 min hektar ərazidən 60 minə yaxın mina zərərsizləşdirilib.
“2020-ci ilin noyabr ayından indiyədək azad edilmiş ərazilərdə 39 şəxs mina partlaması nəticəsində həyatını itirib, 184 nəfər isə yaralanıb. Ümumilikdə isə zərərçəkənlərin sayı 223 nəfərdir”, – deyə, o vurğulayıb.
www.RIA24.az
