Bakı.Trend:
Bakı şəhəri, Xəzər rayonu, Mərdəkan qəsəbəsində dənizdə batan
şəxsin meyiti tapılıb.
Trend xəbər
verir ki, bu barədə Fövqəladə Hallar Nazirliyi məlumat yayıb.
Bildirilib ki, 22 iyul 2025-ci il tarixində Bakı şəhəri, Xəzər
rayonu, Mərdəkan qəsəbəsində dənizdə nəzarətsiz ərazidə 1 nəfərin
batması barədə daxil olmuş məlumat əsasında FHN-in Kiçikhəcmli
Gəmilərə Nəzarət və Sularda Xilasetmə Dövlət Xidmətinin
dalğıc-xilasediciləri tərəfindən dərhal axtarışlara başlanılıb.
Axtarışlar nəticəsində dənizdə batmış 2007-ci il təvəllüdlü
İsmayılov Məhəmməd Oruc oğlunun meyiti suda tapılıb çıxarılaraq
aidiyyəti üzrə təhvil verilib.
xxx
22 iyul, 17:18
Mərdəkanda dənizdə bir nəfərin batması ilə bağlı FHN-ə məlumat
daxil olub.
Trend xəbər
verir ki, bu barədə Fövqəladə Hallar Nazirliyi məlumat yayıb.
Məlumatla əlaqədar dərhal FHN-nin Kiçikhəcmli Gəmilərə Nəzarət
və Sularda Xilasetmə Dövlət Xidmətinin dalğıc-xilasediciləri
axtarışlara cəlb olunub.
Hazırda batdığı ehtimal olunan şəxsin axtarışları davam
etdirilir.
