Qubadlı.Trend:
27.07.2025-ci il tarixində saat 19:30 radələrində Qubadlı rayonu
ərazisində baş verən yol-nəqliyyat hadisəsi səbəbilə xəsarət alan 4
nəfər (kişi cinsli) Füzuli Rayon Mərkəzi Xəstəxanasına
hospitalizasiya olunub.
TƏBİB-dən Trend-ə bildirilib ki, onlara bədənin müxtəlif
nahiyələrinin çoxsayılı travması diaqnozu təyin olunub.
“Xəsarət alan şəxslərdən 2001-ci il təvəllüdlü şəxs
Elmi-Tədqiqat Travmatologiya və Ortopediya İnstititutuna, 1994-cü
il təvəllüdlü şəxs isə Sumqayıt şəhər Təcili Tibbi Yardım
Xəstəxanasına təxliyə olunub.
1999 və 1994-cü il təvəllüdlü şəxslərə isə zəruri tibbi yardım
göstərilib və ambulator müalicə üçün evə buraxılıblar”, – məlumatda
deyilir.
xxx
16:20
Qubadlıda dörd nəfərin xəsarət alması ilə nəticələnən
yol-nəqliyyat hadisəsi baş verib.
Trend-in yerli
müxbirinin əldə etdiyi məlumata görə, Qubadlı rayonu ərazisində
hərəkətdə olan minik maşını yoldan çıxaraq aşıb.
Nəticədə avtomobildə olan 4 nəfər müxtəlif dərəcəli xəsarət
alıb.
Xəsarət alanlar Bakı şəhər sakinləri – 1994-cü il təvəllüdlü
Əliyev Rauf Rafayil oğlu, 1999-cu il təvəllüdlü Alkərəmov İntiqam
Mətləb oğlu, 2001-ci il təvəllüdlü Mütəllimov Məhəmməd Zülfüqar
oğlu və Sumqayıt şəhər sakini, 1994-cü il təvəllüdlü Heydərov İlqar
Elşən oğlu Füzuli Mərkəzi Rayon Xəstəxanasına çatdırılıb.
Faktla bağlı araşdırma aparılır.
