22:37
Ağcabədi rayonunda maye qazdoldurma məntəqəsində partlayış olub.
“Report”un Qarabağ Bürosunun əldə etdiyi məlumata görə, hadisə Mingəçevir – Bəhrəmtəpə magistral yolunun Ağcabədi rayonunun Aşağı Avşar kəndindən keçən hissəsində fəaliyyət göstərən maye qaz doldurma məntəqəsində qeydə alınıb. Partlayış zamanı 3 nəfər ağır dərəcəli yanıq xəsarətləri alıb.
Yaralılar xəstəxanaya çatdırılıb, onlardan biri reanimasiyaya yerləşdirilib.
Faktla bağlı araşdırma aparılır.
————
Ağdərə rayonunda yanğın baş verən ərazidə partlayış qeydə alınıb.
Milli.Az APA-ya istinadən bildirir ki, nəticədə bir nəfər xəsarət alıb. Xəsarət alan şəxsin yanğınsöndürən nəfəri Babək Zeynalov olduğu bildirilir. Ona ilkin tibbi yardım göstərilib, Bərdə rayon mərkəzi xəstəxanasına köçürülür.
Hazırda yanğın və yanğınsöndürmə əməliyyatları davam edir.
Əraziyə FHN-nin yanğınsöndürən helikopterləri cəlb olunub.
Milli.Az
