Bakı. Trend:
Fövqəladə Hallar Nazirliyi tərəfindən görülmüş zəruri və
təxirəsalınmaz tədbirlərlə Ağdərə rayonu, Oratağ kəndi
istiqamətində mürəkkəb relyefli dağlıq ərazidə baş vermiş yanğın
havanın küləkli olmasına baxmayaraq daha geniş sahəyə yayılmasına
imkan verilmədən söndürülüb.
Bu barədə Trend-ə Fövqəladə
Hallar Nazirliyindən məlumat verilib.
Qeyd edilib ki, yanğınla mübarizə tədbirlərində FHN-in Dövlət
Yanğından Mühafizə Xidməti və Aviasiya dəstəsinin qüvvələri iştirak
edib.
Qeyd edək ki, avqustun 21-də Ağdərədə yanğın baş verib. Yanğın
hadisəsi Ağdərə şəhər dağlıq ərazidə yerləşən meşə massivində
başlayıb.
Yanğın baş verən əraziyə FHN-nin Ağdərə rayon yanğınsöndürən
briqadasının texnikası və əməkdaşları cəlb edilib.
xxx
21.08.2025
12:14
Ağdərə. Trend:
Ağdərədə yenidən yanğın başlayıb.
Trend-in Qarabağ bürosunun xəbərinə görə, yanğın
hadisəsi Ağdərə şəhər dağlıq ərazidə yerləşən meşə massivində
başlayıb.
Yanğın baş verən əraziyə FHN-nin Ağdərə rayon yanğınsöndürən
briqadasının texnikası və əməkdaşları cəlb edilib.
Hazırda yanğın davam edir.
