Bakıda arvadını öldürməyə cəhddə təqsirləndirilən Pərvin Ağayevə hökm oxunub və o, 11 il müddətinə azadlıqdan məhrum edilib.
“Report” xəbər verir ki, bu barədə hökm Bakı Ağır Cinayətlər Məhkəməsinin hakimi Cavid Hüseynovun sədrliyi ilə keçirilən prosesdə elan olunub.
Qeyd edək ki, hadisə bu ilin aprelində Nizami rayonu, metronun “Qara Qarayev” stansiyası yaxınlığında qeydə alınıb.
Belə ki, P. Ağayev ilə arvadı Şəbnəm İsmayılova arasında dava düşüb. Dava zamanı İsmayılova boğaz və döş qəfəsi nahiyələrindən 3 bıçaq xəsarəti alıb. Şəbnəm İsmayılova xəstəxanaya yerləşdirilib və onun hamilə olduğu məlum olub. Daha sonra qadının həyatını xilas etmək mümkün olub.
P.Ağayevə qarşı Cinayət Məcəlləsinin 29, 120.2.4-cü (qəsdən adam öldürmə cəhd, xüsusi amansızlıqla və ya ümumi təhlükəli üsulla adam öldürməyə cəhd;) maddəsi ilə ittiham irəli sürülüb.
www.RIA24.az
