00:38
Azərbaycan çempionu “Qarabağ” UEFA Çempionlar Liqasının II təsnifat mərhələsinin ilk oyununu keçirib.
Milli.Az xəbər verir ki, Qurban Qurbanovun rəhbərlik etdiyi kollektiv İrlandiyada “Şelburn”un qonağı olub.
Qarşılaşma Ağdam təmsilçisinin 3:0 hesablı qələbəsi ilə bitib.
Qeyd edək ki, komandalar arasında cavab oyunu iyulun 30-da Bakıda keçiriləcək.
———
00:29
“Qarabağ” 84-cü dəqiqədə 3-cü qolunu vurur. Nəriman Axundzadə adını tabloya yazdırır.
———
00:26
“Qarabağ” hesab arasındakı fərqi artırır. 81-ci dəqiqədə Aleksey Kaşuk fərqlənir.
——-
23:32
UEFA Çempionlar Liqasının II təsnifat mərhələsinin “Şelburn” (İrlandiya) – “Qarabağ” maçtında ilk hissə başa çatıb.
“Report” xəbər verir ki, Dublindəki “Tolka Park” stadionunda keçirilən görüşdə Ağdam klubu fasiləyə 1:0 hesabı ilə öndə yollanıb.
Qarşılaşmanın 13-cü dəqiqəsində Leandro Andrade rəqib qapısına yol tapıb.
———–
22:46
UEFA Çempionlar Liqasının II təsnifat mərhələsinin “Şelburn” – “Qarabağ” matçı start götürüb.
Milli.Az xəbər verir ki, qarşılaşma Dublindəki “Tolka Park” stadionunda keçirilir.
Görüşü xorvatiyalı referi Ante Kulina idarə edir.
Milli.Az
