Bakı. Trend:
Azərbaycan Premyer Liqası təmsilçisi “Turan Tovuz” növbəti
transferini rəsmiləşdirib.
Trend xəbər verir
ki, klub xorvatiyalı yarımmüdafiəçi Filip Ozobiçlə 1+1 illik
müqavilə imzalayıb.
Filip Ozobiç əvvəlcə ölkəmizdə “Qəbələ” və “Qarabağ”
komandalarında çıxış edib. O, həmçinin Rusiyanın “Spartak”, eləcə
də Xorvatiyanın “Hayduk” və “Slaven” klublarında da forma
geyinib.
Qeyd edək ki, 34 yaşlı futbolçu 2021-ci ildən Azərbaycan milli
komandasında da çıxış edir. Ozobiç millimizin heyətində 15 oyuna
çıxaraq 1 qol vurub.
