Bakı. Trend:
Almaniyanın “Bavariya” futbol klubu fransalı vinger Kinqsli
Komanı Səudiyyə Ərəbistanının “Ən-Nəsr” klubuna satmağa
razılaşıb.
Trend xəbər verir ki, bu
barədə jurnalist Fabritsio Romano “X” sosial şəbəkəsində yazıb.
Bildirilir ki, futbolçu özü artıq transferə razılıq verib.
Məlumata görə, transfer məbləği 30 milyon avro civarında olacaq.
Fransız futbolçu bu həftə tibbi müayinədən keçəcək və 3 illik
müqavilə imzalayacaq.
