Bakı. Trend:
21 yaşadək futbolçulardan ibarət Azərbaycan milli komandasının
Avropa çempionatının seçmə mərhələsində Portuqaliya ilə keçirəcəyi
səfər oyununun yeri və başlama saatı müəyyənləşib.
AFFA-dan Trend-ə verilən məlumata görə, B qrupunun I turu
çərçivəsində sentyabrın 5-də Barseluş şəhər stadionunda təşkil
olunacaq görüş Bakı vaxtı ilə saat 22:30-da başlanacaq.
Qeyd edək ki, U-21 milli komandamız sentyabrın 9-da seçmə
mərhələnin ikinci turunda “Dalğa Arena”da Bolqarıstan yığması ilə
qarşılaşacaq.
