UEFA Millətlər Liqasının qrup mərhələsində II tura start verilib.
İlk oyun günündə 9 qarşılaşma baş tutub.
A Liqasının 2-ci qrupunda Portuqaliya İsveçrəni darmadağın edib. Kristiano Ronaldo komandasının dörd cavabsız qolundan ikisinə imza atıb.
Qrupun digər oyununda İspaniya səfərdə Çexiya ilə bərabərliyə razılaşıb – 2:2.
B Liqasının 4-cü qrupunda Serbiya Sloveniyaya şans verməyib, Norveç isə səfərdə İsveç üzərində qələbə qazanıb – 2:0. Skandinaviyalıların duelində hər iki qolu Erlinq Holann vurub.
C Liqasında 2-ci qrup qarşılaşmasında Kipr evdə Şimali İrlandiya ilə qolsuz heç-heçə edibsə, Yunanıstan səfərdə Kosovoya minimal hesabla qalib gəlib.
4-cü qrupun oyunlarına gəlincə, Şimali Makedoniya səfərdə Cəbəllütariqi 2:0 hesabı ilə yenib. Gürcüstan isə Bolqarıstanı darmadağın edərək, ardıcıl ikinci qələbəsini qazanıb.
Nəhayət, D Liqasında Malta səfərdə San-Marinoya qalib gəlib.
UEFA Millətlər Liqası
II tur
A Liqası
2-ci qrup
Portuqaliya – İsveçrə – 4:0
Qollar: Vilyam Karvalyu, 15. Kriştianu Ronaldu, 35; 40. Joau Kanselu, 68
Çexiya – İspaniya – 2:2
Qollar: Yakub Peşek, 5. Yan Kuxta, 66 – Qavi, 45+3. İnyiqo Martines, 90
B Liqası
4-cü qrup
Serbiya – Sloveniya – 4:1
Qollar: Aleksandar Mitroviç, 24. Sergey Milinkoviç-Saviç, 56. Luka Yoviç, 85. Nemanya Radonyiç, 90+2 – Petar Stoyanoviç, 30
İsveç – Norveç – 1:2
Qollar: Antoni Elanqa, 90+2 – Erlinq Holann, 20 (pen.); 69
C Liqası
2-ci qrup
Kipr – Şimali İrlandiya – 0:0
Kosovo – Yunanıstan – 0:1
Qol: Tasos Bakasetas, 36
4-cü qrup
Cəbəllütariq – Şimali Makedoniya – 0:2
Qollar: Enis Bardi, 21. Boban Nikolov, 84
Bolqarıstan – Gürcüstan – 2:5
Qollar: Atanas İliev, 50. İliyan Stefanov, 83 – Zuriko Davitaşvili, 4. Andrea Xristov, 31 (öz qapısına). Budu Zivzivadze, 52. Xviça Kvaratsxeliya, 58 (pen.). Valeri Qazaişvili, 70
D Liqası
2-ci qrup
San-Marino – Malta – 0:2
Qollar: Yan Busuttil, 58. Mettyu Giyomyo, 75
www.RIA24.az
