Azərbaycanın 3×3 basketbol üzrə kişilərdən ibarət milli komandası Avropa çempionatının final mərhələsinə vəsiqə qazanıb.
Oxu.Az xəbər verir ki, milli komanda Kiprin Limassol şəhərində keçirilən Avropa çempionatının seçmə mərhələsində yarımfinalda Lüksemburq yığmasına (15:13), finalda isə İrlandiya komandasına (20:16) qalib gəlib.
Bununla da Azərbaycan millisi 9-11 sentyabr tarixlərində keçiriləcək final mərhələsinə vəsiqə qazanıb. Qeyd edək ki, final Avstriyanın Qrats şəhərində baş tutacaq.
Qeyd edək ki, Azərbaycan millisi basketbolun 3×3 növü üzrə 2014-cü ildən sonra ikinci dəfə Avropa çempionatının əsas mərhələsinə yüksəlib.
www.RIA24.az
